ნიდერლანდებში სკანდალი დაიწყო ექიმის ირგვლივ, რომელიც ქალაქ როტერდამის კლინიკაში ექსტრაკორპორალური განაყოფიერების პროცედურებს ატარებდა. დნმ-ის ტესტებმა აჩვენა, რომ ის 49 ბავშვის “მამაა” – AFP წერს.
ექიმი იან კარბაატი, რომელიც 2017 წელს გარდაიცვალა, ათეულობით ბავშვის მამა აღმოჩნდა. ის საკუთარ სპერმას შერჩეული დონორის სპერმის ნაცვლად იყენებდა. “49 ბავშვი გარდაცვლილი კარბაატის პირდაპირი შთამომავლები არიან” – აღნიშნულია განცხადებაში, რომელიც ამ ფაქტის ირგვლივ გავრცელდა.
ექიმმა, რომელიც 89 წლის ასაკში გარდაიცვალა, სიკვდილის წინ აღიარა, რომ ის 60-მდე ბავშვის მამა გახდა კლინიკაში, რომელიც 2009 წელს დაიხურა მას შემდეგ რაც დარღვევებზე გავრცელდა.
სავარაუდოდ, ექიმი უფრო მეტი ბავშვის მამაა, რადგანაც მისი სპერმა სხვა კლინიკებშიც იგზავნებოდა.
