ანალიზების არევის შედეგად საკარანტინო სივრციდან შეცდომით, ინფიცირებული კაცი სახლში გაუშვეს. ის რუსეთიდან 20 დღის წინ ჩამოვიდა და კარანტინის გავლის შემდეგ სოფელში 31 მაისს დაბრუნდა. სპეციალისტებმა შეცდომა 2 დღის შემდეგ აღმოაჩინეს და 44 წლის კაცი კლინიკაში გადაიყვანეს. ნინოწმინდის მერის ინფორმაციით, ახლა კაცი გორშია გამოკვლებეზე. მან სახლში 2 დღე გაატარა, რის გამოც მისი ოჯახის წევრები თვითიზოლაციაში იმყოფებიან.
დღეს საქართველოში კორონავირუსით მე-13 პაციენტი გარდაიცვალა.
