კორონავირუსის ოთხი ახალი შემთხვევა დადასტურდა

თაიმერი timer.ge
ავტ.: თაიმერი timer.ge ივნისი 2, 2020 23:36

კორონავირუსის ოთხი ახალი შემთხვევა დადასტურდა

კორონავირუსის ოთხი ახალი შემთხვევა დადასტურდა, ერთი საბურთალოს კლასტერის კონტაქტია, სამი კი, სატვირთოს უცხოელი მძღოლია, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ საქართველოს პირველი არხის გადაცემა „თავისუფალ ხედვაში“ განაცხადა.

„დილისთვის გვქონდა 796 შემთხვევა და ვიდრე თქვენთან მოვდიოდი, ოთხი შემთხვევა დაგვემატა, 800 შემთხვევა გვაქვს კოვიდდადებითი.

ერთი გახლავთ ცნობილი კლასტერიდან, ბოლო კლასტერის კონტაქტია, რასაც ხალხში საბურთალოს კლასტერს ეძახიან. სამი არის ტრაილერის მძღოლი, ისინი საქართველოს მოქალაქეები არ არიან. გარკვეული პერიოდის განმავლობაში ეს მძღოლები არიან კარანტინში ან თვითიზოლაციაში, 400-მდე ასეთი მძღოლი გამოვიკვლიეთ და აქედან არის ეს სამი შემთხვევა. ისინი იყვნენ კარანტინში და საფრთხეს არ წარმოადგენენ“, – განაცხადა ამირან გამყრელიძემ.

ამასთან, მისვე თქმით, ქვეყანაში არასოდეს შეჩერებულა სატვირთო გადაზიდვები და ბოლო ერთი კვირაა, საზღვრებზე ტესტირება გამძაფრდა.

თაიმერი timer.ge
ავტ.: თაიმერი timer.ge ივნისი 2, 2020 23:36

Google სტატისტიკა


7,810
ვიზიტორი
დღეში
Powered By Google Analytics