უკრაინის პრეზიდენტი ვოლოდიმირ ზელენსკი აშშ-ის წარმომადგენელთა პალატის მიერ უკრაინისთვის დამატებით 40 მილიარდი დოლარის დახმარების შესახებ კანონის დამტკიცებას „ტვიტერის“ გვერდზე ეხმაურება.
უკრაინის პირველმა პირმა აშშ-ის პალატის სპიკერ ნენსი პელოსის და უკრაინის მეგობრებს მადლობა გადაუხადა.
„მადლობას ვუხდი ნენსი პელოსის და უკრაინის ყველა მეგობარს ამერიკის წარმომადგენელთა პალატაში აშშ-ის პრეზიდენტის, ჯო ბაიდენის მიერ ინიცირებული კანონის, ჩვენი სახელმწიფოსთვის დამატებითი ფინანსური დახმარების შესახებ, სწრაფი დამტკიცებისთვის. ჩვენ მოუთმენლად ველით სენატის მიერ, ჩვენთვის ამ მნიშვნელოვანი დოკუმენტის განხილვას“, – წერს ზელენსკი.