უკრაინელი მესაზღვრეები უკრაინაში შესვლისას პოლონეთთან არსებულ საზღვარზე რიგების შესახებ იუწყებიან. ამის შესახებ ნათქვამია უკრაინის სახელმწიფო სასაზღვრო სამსახურის სოციალურ ქსელ „ფეისბუქში“ გავრცელებულ განცხადებაში.
Ukrinform-ის ცნობით, პოლონური მხრიდან მიღებული ინფორმაციის თანახმად, პოლონეთიდან უკრაინაში შემავალ გზებზე ზოგიერთ რაიონში ავტომობილების საცობები შეიქმნა.
უკრაინის სასაზღვო სამსახრის ინფორმაციით, უკრაინის მიმართულებით ყველაზე გრძელი რიგები შეინიშნება შემდეგი საგუშაგოების წინ:
“დოროგუსკი – იაგოდინი”, სადაც დაახლოებით 1000 მსუბუქი ავტომობილი და 150 სატვირთო მანქანა იმყოფება; „კორჩევა – კრაკოვეც“, სადაც 400-მდე მსუბუქი და 350 სატვირთო მანქანა დგას და “მედიკა – შეგინი”, სადაც 900-მდე მსუბუქი და 200 სატვირთო ავტომობილია.
აღნიშნულია, რომ რიგები არ არის დამოკიდებული სასაზღვრო და საბაჟო პროცედურების გავლის თანმიმდევრობაზე.
ამ ვითარებიდან გამომდინარე, მესაზღვრეები მოქალაქეებს პოლონეთ-უკრაინის საზღვარზე სხვა გამშვები პუნქტების გამოყენებას ურჩევენ, რათა საზღვრის გადაკვეთა უფრო სწრაფად შეძლონ.
Ukrinform-ის ცნობით, პოლონეთ-უკრაინის საზღვრებზე საავტომობილო რიგების მატება დაკავშირებულია სააღდგომო დღესასწაულებთან.