კიევის პოლიცია უკრაინის უმაღლეს რადაში ბომბის შესახებ ინფორმაციას ამოწმებს – სამართალდამცველები ავრცელებენ.
“10.55 წუთზე დედაქალაქის სამართალდამცველებმა პარლამენტის შენობაში ასაფეთქებელი ნივთიერების შესახებ ინფორმაცია მიიღეს” – ნათქვამია პოლიციის მიერ გავრცელებულ განცხადებაში. შემთხვევის ადგილზე დაუყოვნებლივ გამოცხადდნენ კინოლოგები, მაშველები, პოლიციელები, გამნაღმველები. პარლამენტის შენობას ასევე სახელმწიფო დაცვის სამმართველო ამოწმებს.
დღეს უკრაინის უმაღლესმა რადამ პრემიერ-მინისტრ არსენ იაცენიუკის გადადგომის შესახებ განცხადება უნდა განიხილოს. საღამოსკენ კი უკრაინის ახალი მთავრობა დამტკიცდება.
