რუსეთის ხელისუფლების წარმომადგენლები თურქეთს 9-10 იანვარს ეწვევიან სირიაში ცეცხლის შეწყვეტის შესახებ გადაწყვეტილებაზე სასაუბროდ – თურქეთის საგარეო საქმეთა მინისტრმა მავლუტ ჩავუშოღლუმ განაცხადა – წერს Reuters-ი.
როგორც თურქული “ანადოლუ” ავრცელებს, მინისტრმა შიიტურ მოძრაობა “ჰეზბოლას” შეთანხმების დარღვევაში დასდო ბრალი. “თუკი ჩვენ დარღვევების აღკვეთას ვერ შევძლებთ, ასტანას პროცესი ჩაიშლება” – თქვა ჩავუშოღლუმ.
შეგახსენებთ, რომ გუშინ სირიის სამშვიდობო პროცესში ათმა ოპოზიციურმა გაერთიანებამ მონაწილეობის მიღებაზე უარი განაცხადა. მათი თქმით, სირიის სამთავრობო ძალებს ცეცხლი არ შეუწყვეტიათ და მათზე შეტევა მუდმივად მიმდინარეობს.
