თურქეთის მთავრობამ გაზეთის Zaman (დრო) 47 თანამშრომლის დაკავებაზე ორდერი გასცა სახელმწიფო გადატრიალების მცდელობის გამოძიების ფარგლებში.
ორდერი შეეხოთ გაზეთის ხელმძღვანელებს და ჟურნალისტებს. მათ ბრალი ედებათ აშშ-ში მცხოვრები ფეხტულა გიულენის მხარდაჭერაში, რომელიც, ოფიციალური ვერსიით, გადატრიალების მცდელობის ორგანზატორია. თვითონ გიუმლენმა არა ერთხელ განაცხადა, რომ მას კავშირი არა აქვს მომხდართან და გმობს ყველანაირ ძალადობას.
სახელმწიფოებრივი სააგენტო “ანადოლუს” ინფორმაციით, Zaman-ის ჟურნალისტებიდან მინიმუმ ერთი ჟურნალისტი უკვე დაკავებულია. 16 ჟურნალისტი დაიბარეს დაკითხვაზე.
სახელმწიფო გადატრიალების მცდელობისათვის უკვე დაკავებულია, ან თანამდებობიდან დროებით გადაყენებულია 60 ათასზე მეტი ადამიანი. მათ შორის 9 ათასი პოლიციელი, 3 ათასი მოსამართლე, 6 ათასი სამხედრო და უმაღლესი სასწავლებლების პედაგოგები. დაიხურა 2 ათასზე მეტი ორგანიზაცია.
