მინდია გოგოჭური მთავარ პროკურატურაში მივიდა. პრეზიდენტის სიძე საგამოძიებო უწყებაში გამოკითხვის მიზნით, 3 საათზე იყო დაბარებული.
შეგახსენებთ, რომ საქმე ეხება პრეზიდენტის განცხადებას, გოგოჭურის სახლში ჩატარებული ჩხრეკის შესახებ, რომელიც პირველი პირის ინფორმაციით უკანონოდ განხორციელდა და პოლიტიკური მიზანი ჰქონდა. გიორგი მარგველაშვილმა ფაქტი პოლიტიკური ზეწოლის მცდელობად შეაფასა. ამ განცხადების საფუძველზე პროკურატურამ გუშინ გამოძიება დაიწყო. გუშინვე პრეზიდენტის პრესსპიკერის ბრიფინგიდან ცნობილი გახდა, რომ გოგოჭური გამოძიებასთან თანამშრომლობის მზადყოფნას გამოთქვამდა.
