ტანზანიაში, ტბა ვიქტორიაში ბორნის გადატრიალების შედეგად 136 ადამიანი დაიღუპა – ამის შესახებ ინფორმაციას Reuters-ი ადგილობრივ პოლიციაზე დაყრდნობით ავრცელებს. მათივე ინფორმაციით, სამართალდამცველები არ გამორიცხავენ რომ გარდაცვლილთა რაოდენობა გაიზრდება.
ამ დროის მონაცემებით, მაშველებმა 37 ადამიანი გადაარჩინეს,თუმცა ბორანზე მყოფი ადამიანების რაოდენობა ცნობილი არ არის.
Reuters-ის მიერ გავრცელებული ინფორმაციით, წყლის ტრანსპორტზე 300 ადამიანი იმყოფებოდა, განსხვავებულ მონაცემებს ავრცელებს CNN,რომელიც წერს,რომ ბორანს 400-დან 500-მდე მგზავრი გადაყავდა. კატასტროფის მიზეზი, ჯერჯერობით, უცნობია – “დოიჩე ველე” წერს.
