ძლიერი წვიმის შედეგად ფოთში რამდენიმე ქუჩა დაიტბორა. წყალმა საცხოვრებელი სახლების პირველ სართულებზე შეაღწია. ათობით ოჯახს საყოფაცხოვრებო ტექნიკა და ავეჯი გაუნადგურდა. მოსახლეობა აცხადებს, რომ სატუმბი სადგურები გაუმართავია, რასაც ადგილობრივი ხელისუფლება არ ადასტურებს. მათი თქმით, სადგურები გამართულად მუშაობს, თუმცა უხვი ნალექის გამო წყლის გატარება ვერ უზრუნველყო.
მოსახლეობა ზარალის ანაზღაურებას ითხოვს.