აშშ-ს სახელმწიფო მდივნის ასისტენტმა უესს მიტჩელმა განაცხადა, რომ რუსი დაქირავებულები სირიაში ამერიკელ სამხედროებზე თავდასხმას აპირებდნენ – მის ჩვენებებშია ამაზე საუბარი, რომელიც საგარეო საქმეთა კომიტეტს მისცა 18 აპრილს.
“სირიაში მოსკოვის გაუაზრებელმა ჩარევამ და ასადის რეჟიმის მხარდაჭერამ დასავლეთთან კონფლიქტის რისკი გაზარდა. რამდენიმე ხნის წინ აშშ-ს სამხედრო ძალებზე რუსი დაქირავებულების თავდასხმა მსგავსი საქმის ერთ-ერთი გამოსაფხიზლებელი მომენტი გახდა” -განაცხადა მიტჩელმა.
სირიის სამთავრობო ძალებმა “სირიის დემოკრატიულ ძალებს”, რომელსაც აშშ უჭერს მხარს, 7 თებერვალს შუტიეს. ამ დროს პოზიციაზე იმყოფებოდნენ, ასევე ამერიკელებიც. მათ ჰაერიდან დახმარება მოითხოვეს. 7 თებერვლის შეტაკებებში მონაწილეობდნენ რუსი დაქირავებული სამხედროები დაჯგუფება “ვაგნერიდან”. გავრცელებული ინფორმაციით, ამ შეტაკების დროს ათობით რუსი დაქირავებული დაიღუპა. ოფიციალური კრემლი ინფორმაციას არ ადასტურებს.