ბრიტანეთის პარლამენტში განიხილეს, შეუძლია თუ არა ნატოსთან ჰიპოთეტური კონფლიქტისას რუსეთს ატომური იარაღის გამოყენება. მოსმენებზე გამომსვლელმა ბრიტანელმა ანალიტიკოსმა, მეცნიერამ ჯასტინ ბრონკმა ასეთი შესაძლებლობა არ გამორიცხა. თავდაცვის კომიტეტის წინაშე სიტყვით გამოსვლისას, ნატო-რუსეთის კონფლიქტის ჰიპოთეტური შემთხვევის განხილვაზე, მეცნიერმა თქვა, რომ რუსეთი შეეცდება ფართომასშტაბური სამხედრო ოპერაციები არ აწარმოოს, ამიტომ, დიდი ალბათობით, ის ატომურ იარაღს გამოიყენებს, რომელიც დაბალი სიმძლავრის იქნება – მოსმენები, რომელიც ბრიტანეთის პარლამენტში 17 აპრილს გაიმართა, ბალტიის ქვეყნების უსაფრთხოების საკითხს ეხებოდა.
“არა მაქვს იმის არანაირი ეჭვი, რომ რუსეთი ნატოსთან ისეთი კონფლიქტის ინიცირებას არასდროს მოახდენს, რომელიც, მათი გათვლებით 7 დღეზე მეტ ხანს გაგრძელდება. თუკი ის ასეთ კონფლიქტს დაიწყებს, აუცილებლად წააგებს მას, იმიტომ, რომ ნატოს სამეწარმეო და ადამიანური რესურსებით უზარმაზარი უპირატესობა აქვს” – ჯასტინ ბროკმა თქვა – “ბიბისი” წერს.