ფეხბურთელმა კრიშტიანუ რონალდომ ესპანეთის გამოძიებასთან შეთანხმება გააფორმა. მას 18,8 მილიონი ევროს ოდენობის ჯარიმას გადახდა და ორი წლით თავისუფლების პირობითი აღკვეთა მიუსაჯეს – “დოიჩე ველე” წერს.
გამოცემის ინფორმაციით, “რეალის” და პორტუგალიის ნაკრების თავდამსხმელი გადასახადების დამალვაში იყო ბრალდებული. საუბარია 2012-2014 წლების პერიოდსა და 14,7 მილიონ ევროზე. მას 28 მილიონი ჯარიმის გადახდა და სამი წლით თავისუფლების აღკვეთა ემუქრებოდა. ამასთანავე, ფეხბურთელი ირწმუნებოდა, რომ გადასახადების დამალვა არასდროს უცდია.