საფრანგეთის პრეზიდენტ ემანუელ მაკრონს სურს ევროკავშირის საქმისწარმოებაში მთავარი ფრანგული ენა გახდეს. ამის მიზეზი გაერთიანებიდან დიდი ბრიტანეთის გასვლა გახდა – The Wall Street Journal-ი წერს. გამოცემის ინფორმაციით, მაკრონმა იდეა თავდაპირველად ფრანკოფონიის საერთაშორისო დღეს, 20 მარტს წარმოსთქვა – მსოფლიოს ფრანგულენოვანი ქვეყნების თანამშრომლობის საერთაშორისო დღე. “ინგლისური ასე ფართოდ არასდროს ყოფილა ბრიუსელში წარმოდგენილი, როგორც ახლა, როცა ბრექსიტს განვიხილავთ, თუმცა, ეს დომინირება გარდაუვალი არ არის” – თქვა საფრანგეთის ლიდერმა. ის თვლის, რომ სასურველია 1973 წელს არსებულ სიტუაციას დაუბრუნდნენ, როცა ევროკავშირის საქმისწარმოებაში ფრანგული იყო ძირითადი ენა. ემანუელ მაკრონის ამ ინიციატივას მომხრეებიც ყავს.
