ათობით ათასმა ადამიანმა მიიღო მონაწილეობა გეი აღლუმში, რომელიც 11 აგვისტოს ფესტივალ Prague Pride-ის ფარგლებში გაიმართა. “გრძნობა დანაშაული არ არის”, “სიყვარული სიყვარულია” – ეწერა ტრანსპარანტებზე, რომელიც აღლუმის მონაწილეებს მიჰქონდათ. ზოგიერთ აქტივისტს პოლიტიკური ლოზუნგის მქონე ტრანსპარანტი ჰქონდა – “ჰომოსექსუალიზმი უზბეკეთში დეკრიმინალიზებული უნდა იყოს”.
აღლუმს ასობით პოლიციელი იცავდა. მისი საპატიო სტუმარი ნიდერლანდელი ტრანსგენდერი მოდელი ლუიზა ლამერსი იყო – “დოიცე ველე” წერს.
