უკრაინის პრეზიდენტმა პეტრე პოროშენკომ განაცხადა, რომ მიხეილ სააკაშვილისა და ნადეჟდა სავჩენკოს ისტორია სპეცსამსახურების სკოლის სასწავლო პროგრამაში უნდა შეიტანონ – წერს უკრაინული მედია.
“უკანასკნელი თვეების მანძილზე უშიშროებამ ორი მასშტაბური ოპერაცია ჩაატარა, რომლებიც სპეცსამსახურების მომავალი სტუდენტების სახლმძღვანელოებში უნდა შევიდეს” – თქვა პოროშენკომ და აღნიშნა, რომ საუბარია ოდესის ყოფილ გუბერნატორზე მიხეილ სააკაშვილსა და რადას სახალხო დეპუტატზე ნადეჟდა სავჩენკოზე, რომლებიც რუსეთის ინტერესების გათვალისწინებით უკრაინაში სახელმწიფო გადატრიალებას აწყობდნენ.
მიხეილ სააკაშვილი უკრაინიდან 12 თებერვალს გააძევეს.
ნადეჟდა სავჩენკოს 22 მარტს კიევის სასამართლომ ორი წლით წინასწარი პატიმრობა მიუსაჯა.
