რუსმა სამხედროებმა შავ ზღვაზე ნატოს წვრთნების ფონზე საკუთარი სწავლებები გამართეს – ამის შესახებ რუსეთის თავდაცვის სამინისიტრომ გაავრცელა. როგორც განცხადებაშია აღნიშნული, წვრთნებში მონაწლეობას იღებდნენ А-50-ები. ისინი ჰაერში ხუთი საათის მანძილზე იყვნენ, ამ ხნის მანძილზე მათ თითქმის 20-ჯერ შეასრულეს სხვადასხვა ტიპის დავალებები. სულ სწავლებებში 50 თვითმფრინავი და ვეტმფრენი იღებდა მონაწილეობას. გარდა ამისა, ჩართული იყვნენ გემები და საზენიტო-სარაკეტო კომპლექსი С-400-ები.
8 აპრილს რუსეთის თავდაცვის სამინისტრომ გაავრცელა, რომ ის შავ ზღვაზე მიმდინარე ნატოს სწავლებებს გააკონტროლებს. ალიანსის წვრთნები “საზღვაო ფარი” 8 აპრილს დაიწყო და მასში მონაწლეობენ ამერიკელი, ბერძენი, ბულგარელი, კანადელი, ჰოლანდიელი, რუმინელი და თურქი სამხედროები. გარდა ამისა, ჩართული არიან ქართველი და უკრაინელი სამხედრო მოსამსახურეები
