მალის სამხედრო ბაზაზე თავდასხმას სულ მცირე 17 ჯარისკაცი ემსხვერპლა, 35 კი დაშავდა. თავდასხმა ქვეყნის ცენტრალურ ნაწილში მდებარე ნამპალას რაიონში მოხდა. შეიარაღებული პირები სახელისუფლებო ძალების კუთვნილ ბაზაში შეიჭრნენ.
სააგენტო Reuters-ის ცნობით, მომხდარზე პასუხისმგებლობა ისლამისტურმა დაჯგუფებამ “ანსარ ად-დინმა” აიღო. აღნიშნულმა მოძრაობამ თავდასხმა მაისშიც განახორციელა. მაშინ რადიკალების სამიზნე მალიში გაერო-ს მშვიდობისმყოფელები გახდნენ. უფრო ადრე კი “ანსარ ად-დინის” მებრძოლება “წითელი ჯვრის” სამი თანამშრომელი გაიტაცეს.
