მაკა სოლოღაშვილი : ბოჭორიშვილის კლინიკაში კორონავირუსის დიაგნოზით დედა-შვილი მოათავსეს, რომლებიც სომხეთის მოქალაქეები არიან

სხვა სტატიები

• საქართველოში კორონავირუსის სამი ახალი შემთხვევა გამოვლინდა
• საქართველოში კორონავირუსის რვა ახალი შემთხვევა გამოვლინდა
• მარინა ეზუგბაია : კორონავირუსის ორივე ახალი შემთხვევა იმპორტირებულია

ბოჭორიშვილის სახელობის კლინიკაში 51 პაციენტი მკურნალობს, აქედან 41 პაციენტს დადასტურებული აქვს „კოვიდ-19“.

კლინიკის სამეთვალყურეო საბჭოს ხელმძღვანელის, მაკა სოლოღაშვილის ინფორმაციით, აღნიშნულ სამედიცინო დაწესებულებაში ახალი კორონავირუსისგან კიდევ სამი პაციენტი გამოჯანმრთელდა. ასევე კლინიკამ ორი ახალი კოვიდინფიცირებული მიიღო.

„გვაქვს სამი გამოჯანმრთელება. შემოვიდა ორი ახალი პაციენტი დადასტურებული დიაგნოზით. ისინი დედა-შვილი არიან კარანტინის სივრციდან, სომხეთის მოქალაქეები. ამასთან, ერთი პაციენტი გადავიდა რეანიმაციიდან და ამჟამად რეანიმაციაში მკურნალობას აგრძელებს ერთი. მისი მდგომარეობა სტაბილურია. გარდა ამისა, ოთხი პაციენტი რჩება საყურადღებო“, – განაცხადა მაკა სოლოღაშვილმა.

მისივე ინფორმაციით, ბოჭორიშვილის კლინიკის პაციენტებიდან 12 პირი 18 წლამდე ასაკისაა.

კლინიკაში დღეს ახალ კორონავირუსზე კიდევ ოთხ ადამიანს გამოიკვლევენ.