ლევან რატიანი: ლუგარის ცენტრში რამდენიმე სინჯი გაიგზავნა, ყველა უარყოფითი პასუხი მივიღეთ, რაც მკვეთრად სასიხარულოა

თაიმერი timer.ge
ავტ.: თაიმერი timer.ge მარტი 21, 2020 12:20

ლევან რატიანი: ლუგარის ცენტრში რამდენიმე სინჯი გაიგზავნა, ყველა უარყოფითი პასუხი მივიღეთ, რაც მკვეთრად სასიხარულოა

პირველ საუნივერსიტეტო კლინიკაში ამ დროისთვის 79 პაციენტი იმყოფება, გუშინ ლუგარის ცენტრში რამდენიმე სინჯი გაიგზავნა, ყველა უარყოფითი პასუხი მივიღეთ, რაც მკვეთრად სასიხარულოა, – ამის შესახებ პირველი საუნივერსიტეტო კლინიკის დირექტორმა, ლევან რატიანმა განაცხადა.

მისი თქმით, რაც შეეხება ოთხ დაინფიცირებულ პაციენტს, რომელიც მკურნალობს საუნივერსიტეტო კლინიკაში, მათი მდგომარეობა ჯერჯერობით კვლავ სტაბილურია.

„ასევე მინდა, დავამატო, რომ ვინაიდან არ ვიცით, რა ბუნება გააჩნია ამ ვირუსს, რომელ ეტაპზე რა შეიძლება, გამოვლინდეს, ჯერჯერობით ვაკვირდებით ამ პაციენტებს. უარყოფითი დინამიკა არ ვლინდება, სუნთქვის უკმარისობის კლინიკა მოხსნილი აქვთ. იმედია, ყველაფერი გაგრძელდება დინამიკაში დადებითად. თავს ვიკავებ თქმისგან, რამდენის ნიმუში გადაიგზავნება, რამდენი მოვა, ამას წყვეტენ ეპიდემიოლოგები. მთავარია, რომ გაგზავნილი ნიმუშები ყველა მოდის უარყოფითი“, – აღნიშნა რატიანმა.

მისი თქმით, კლინიკა ელოდება ლუგარის ლაბორატორიას ახალი ნიმუშების წასაღებად, გადაწყდება რამდენი გაიგზავნოს და პასუხი დღის მეორე ნახევარში გახდება ცნობილი.

„80 წლის პაციენტის ზოგადი მდგომარეობა ამ ეტაპზე სტაბილურია. მოგეხსენებათ, რომ მე-14 დღეს უნდა ჩატარდეს განმეორებითი ტესტი. ჩვენ მივყვებით ყველა პროტოკოლს, რომელიც ჯანდაცვის მსოფლიო ორგანიზაციის მიერ არის მოწოდებული. ვვარაუდობთ, რომ ეს ქალბატონი სავარაუდოდ მე-14 დღის შემდეგ გაეწერება ბინაზე, ვინაიდან ასეთი მკვეთრი დადებითი დინამიკა გააჩნია ამ ეტაპზე“, – განაცხადა ლევან რატიანმა.

თაიმერი timer.ge
ავტ.: თაიმერი timer.ge მარტი 21, 2020 12:20

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


14,472
ვიზიტორი
დღეში
Powered By Google Analytics