ხარკოვის ოლქში მდებარე ბოროვაიის დასახლებაში, რომელიც 14 აპრილის შემდეგ ოკუპირებულია, რუსმა ჯარისკაცებმა საგანმანათლებლო დაწესებულებები გაძარცვეს და გაანადგურეს, – ამის შესახებ ბოროვის რაიონის საკრებულო იუწყება.
„ოკუპირებულ ბოროვის დასახლებაში რუსმა დამპყრობლებმა მთლიანად გაანადგურეს ორი სკოლა, სხვა სასწავლო დაწესებულებები გაძარცვეს და ნაწილობრივ დააზიანეს.
№1 საშუალო სკოლა გადარჩა, მაგრამ სკოლის ეზოში ჭურვი ჩამოვარდა, სადაც ახლა ლითონის ნამსხვრევები და ორმოებია. შენობის ერთ მხარეს დაზიანებულია ფანჯრები და ჩამოვარდნილია ყველა კარი. მათ გაძარცვეს სკოლის ფართი, განადგურდა სკოლის ავეჯი და ტექნიკა“, – აღნიშნულია განცხადებაში.