კიევში ორ დღიანი ვიზიტით შეერთებული შტატების ვიცე პრეზიდენტი იმყოფება. ჯო ბაიდენი სამოქალაქო საზოგადოების წარმომადგენლებსა და უკრაინელ პოლიტიკოსებს ხვდება.
მოგვანებით ის მოლაპარაკებებს გამართავს უკრაინის პრეზიდენტთან და პრემიერ მინისტრთან.
ხვალ კი შეერთებული შტატების ვიცე პრეზიდენტი უმაღლეს რადაში სიტყვით გამოვა. ცნობილია, რომ ჯო ბაიდენი უკრაინელ ხალხს კიდევ ერთხელ გამოუცხადებს სრულ მხარდაჭერას და ყირიმის ანექსიის გამო რუსეთზეც მორიგ განცხადებებს გააკეთებს.
