ყველა მოკავშირე ჩრდილო ატლანტიკურ ალიანსში მხარს უჭერს თურქეთის უფლებას დაიცვას თავისი საჰაერო სივრცე. ამის შესახებ განცხადება NATO-ს გენერალურმა მდივანმა იენს სტოლტენბერგმა გააკეთა.
სტოლტენბერგის თქმით , ნატოს ქვეყნები შეშფოთებულები არიან რეგიონში რუსეთის სამხედრო კონტინგენტის გაზრდით, თუმცა მათ მთავარ მიზნად კვლავ სიტუაციის დარეგულირება რჩება. განაცხადა ნატოს გენმდივანმა თურქეთის პრემიერ-მინიტრთან შეხვედრის შემდეგ გამართულ ერათობლივ პრესკონფერენციაზე. ამასთანავე სტოლტენბერგი მიესალმა თურქეთის მხრიდან მოსკოვთან კონტაქტის დამყარების მცდელობას.
შეგახსენებთ, რუსეთ-თურქეთის ურთიერთობა 24 ნოემბრის შემდეგ დაიძაბა. თურქეთმა საჰაერო სივრცის დარღვევისთვის, რუსეთის სამხედრო თვითმფრინავი სუ-24 რამდენიმე გაფრთხილების შემდეგ ჩამოაგდო. რუსეთის ფედერაციის პრეზიდენტმა პუტინმა უკვე მოაწერა ხელი ბრძანებულებას, რომლის თანახმადაც თურქეთს ეკონომიკური სანქციები დაუწესდა, ხოლო თურქეთის მოქალაქეებს უვიზო მიმოსვლა აეკრძალათ.
