იაპონური მედიის ცნობით, იაპონიაში 22 ოქტომბერს გამართულ საპარლამენტო არჩევნებში, ლიბერალურ-დემოკრატიულმა პარტიამ გაიმარჯვა და პარტიის ლიდერი შინძო აბე კიდევ ერთხელ იქნა პრემიერად არჩეული.
საინფორმაციო სააგენტო Kyodo-ს ინფორმაციით, აბეს კანდიდატურას მხარი იაპონიის პარლამენტის ქვედა პალატამ დაუჭირა. აბე სავარაუდოდ წინა მთავრობის კაბინეტის ყველა წევრს ახალ მთავრობაშიც შეინარჩუნებს. იაპონიაში გამართულ საპარლამენტო არჩევნებში შინძო აბეს ლიბერალურ-დემოკრატიულმა პარტიამ გაიმარჯვა და პარლამენტში მანდატების 2/3 მიიღო. ქვეყანაში პარლამენტის ზედა პალატის სენატის არჩევნები 2016 წლის ივლისში ჩატარდა. სენატისა და წარმომადგენლობითი პალატის წევრები, რომლებიც ქმნიან იაპონიის პარლამენტს ხალხი ირჩევს.
