იაპონია უკრაინას საკვებისა და მედიკამენტების დამატებით მარაგს მიაწვდის. ამის შესახებ იაპონიის პრემიერ-მინისტრმა ფუმიო კიშიდამ უკრაინის პრეზიდენტ ვოლოდიმირ ზელენსკისთან სატელეფონო საუბრისას განაცხადა. ინფორმაციას CNN-იავრცელებს.
,,იაპონია ,,დიდი შვიდეულის“ ქვეყნებთან ერთად უკრაინის მხარდასაჭერად დიპლომატიურ ძალისხმევას გაზრდის“ , – განაცხადა კიშიდამ.
გამოცემის ცნობით, ვოლოდიმირ ზელენსკიმ იაპონიას მხარდაჭერისთვის მადლობა გადაუხადა.
როგორც მედია წერს, წელს ეს არის მეოთხე სატელეფონო საუბარი რომელიც ორ ლიდერს შორის შედგა.
