გიგა ოთხოზორიას მკვლელობის საქმეზე ჰაკერული ორგანიზაცია “ამბრელას” დამფუძვნებელი ლუკა ფეიქრიშვილი დაკითხვაზე დაიბარეს.
როგორც ფეიქრიშვილმა განაცხადა, ის საგამოძიებო ორგანოში გამოცხადებას არ აპირებს, რადგან გამოძიებას უნდობლობას უცხადებს.
“დამიკავშირდა სამეგრელოს დეტექტივ – გამომძიებელი, რომელმაც განმიმარტა, რომ დაკითხვაზე ვარ დაბარებული, მათი ინფორმაციით, თითქოს მე მაქვს რაღაც ინფორმაცია უშუალოდ იმ პიროვნებაზე ვინც საკონტროლო გასროლა მოახდინა. მე არანაირი ინფორმაცია არ მაქვს ამ პირთან დაკავშირებით, უბრალოდ მისი ფოტოსურათი, დაბადების ადგილი, თარიღი და სოციალური ქსელის მისამართი მკვლელობიდან მცირე დროში გამოვაქვეყნე ფეისბუქის პირად გვერდზე. ეს დაბარება რომ იყოს თანამშრომლობასთან დაკავშირებით ამ შემთხვევაშიც უარს განვაცხადებ, რადგან ხსენებული უწყებები მიმაჩნია მიკერძოვებულად”- აღნიშნა ფეიქრიშვილმა.