გერმანიის პრინცი კარლოს პატრიკ გოდჰარდი, 39 წლის ასაკში ფრანკფურტში დაიღუპა – Daily Mail-ი წერს. გამოცემის ინფორმაციით, მამაკაცი სასტუმრო Intercontinental-ის 21-ე სართულის ტერასიდან გადმოვარდა და ადგილზე დაიღუპა. კონკრეტულად რამ გამოიწვია მისი გადმოვარდნა, ამ მომენტისთვის უცნობია, თუმცა, ვარაუდობენ, რომ პრინცმა თავი მოიკლა. საქმზე ეჭვიტანილები არ არსებობს.
გამოცემის ინფორმაციით, პრინცი კარლოს პატრიკ გოდჰარდი 4 წლიან სასჯელს თაღლითობისთვის იხდიდა, მას პატიმრობის ვადა ივლისში ეწურებოდა.
პრინცმა მამისგან მრავალმილიონიანი მემკვიდრეობა მიიღო, რომელიც ხელოვნების ნიმუშების კოლექციონერია. 2014 წელს პრინცი არარსებულ მრავალმილიონიან ფონდებთან კონტრაქტების გამო დააკავეს.