გერმანიის ფინანსთა მინისტრმა კრისტიან ლინდნერმა ხაზგასმით აღნიშნა, რომ მისი ქვეყანა კრემლის პირობებს არ დათანხმდება და ბუნებრივი აირის გადასახადის რუბლებში გადახდას არ აპირებს. ამის შესახებ მან Twitter-ზე დაწერა.
მისი თქმით, გერმანია „ყველაფერს აკეთებს“ იმისათვის, რომ რუსეთისგან ენერგოთავისუფლება მოიპოვოს.
„ძალიან მკაფიოდ ვამბობ: ჩვენ ვერ დაგვაშანტაჟებენ! ჩვენ რუსული გაზის საფასურს რუბლებში მაინც არ გადავიხდით. ერთი რამ ცხადია: ჩვენ ყველაფერს ვაკეთებთ, რომ რაც შეიძლება მალე გავხდეთ რუსეთისგან დამოუკიდებლები“, – განაცხადა გერმანიის ფინანსთა მინისტრმა.