აშშ-ს პრეზიდენტმა დონალდ ტრამპმა განაცხადა, რომ ფიქრობს, რომ, შესაძლებელია, რუსეთის პრეზიდენტი ვლადიმირ პუტინი შეკვეთილ მკვლელობებთან კავშირში იყოს – CBC-თან ინტერვიუში თქვა. ჟურნალისტ ლესლი სტალის შეკითხვაზე, მიაჩნია თუ არა მას, რომ პუტინი მოწამვლებთან და პოლიტიკურ მკვლელობებთან დაკავშირებულია, ტრამპმა უპასუხა: “სავარაუდოდ, დაკავშირებულია”. მან ხაზი გაუსვა – “სავარაუდოდ”. ამის შემდეგ, ჟურნალისტმა აღნიშნა, რომ მოსკოვი “ასე არ უნდა იქცეოდეს”, რასაც ტრამპი დაეთანხმა: “ცხადია, ასე არ უნდა იქცეოდნენ” – თქვა აშშ-ს პრეზიდენტმა.
იმავე ინტერვიუში თეთრი სახლის ხელმძღვანელმა აღნიშნა, რომ არჩევნებში ჩინეთის ჩარევა რუსულზე საშიში იქნება.