თვითმფრინავი Sukhoi Superjet 100, რომელიც კომპანია “აეროფლოტს” ეკუთვნის, შერემეტევოში რეისის დაწყებიდან რამდენიმე წუთში უკან დაბრუნდა. რუსული მედიის ინფორმაციით, აეროპორტიდან აფრენა დილის 2 საათზე დაიწყო, თვითმფრინავი კი ვლადიმირის რაიონიდან უკან მობრუნდა.
როგორც იტყობინებიან, აფრენისთანავე ბორტზე ტექნიკური პრობლემები შეიქმნა, კაპიტანმა კი დაშვების გადაწყვეტილება მიიღო.
13 მაისს, ასევე Sukhoi Superjet 100 -ის ტექნიკური პრობლემების გამო, ერთი რეისი გადაიდო დონის როსტოვში.
5 მაისს შერემეტევს აეროპორტში Sukhoi Superjet 100-ის კატასტროფის შედეგად 41 ადამიანი დაიღუპა. “აეროფლოტმა” ამ ტიპის თვითმფრინავის 50-მდე რეისი გადადო.
