“განუსაზღვრელი ფანტაზიის ნაყოფი” – პრემიერი მთავრობის ლობისტებთან მიმოწერაზე

region
: region მაისი 13, 2019 15:16

“განუსაზღვრელი ფანტაზიის ნაყოფი” – პრემიერი მთავრობის ლობისტებთან მიმოწერაზე

მმართველ გუნდში იმ საიდუმლო წერილების არსებობას უარყოფენ, რომელიც ტელეკომპანია „რუსთავი2“-მა მოიპოვა. საუბარია მიმოწერაზე, რომელიც “ქართულ ოცნებასა” და პარტიის ლობისტებს შორის შედგა და რომლის მიხედვითაც ოპოზიციის წინააღმდეგ შავი პიარი იგეგმებოდა.

გავრცელებულ ინფორმაციასთან დაკავშირებით კომენტარი გააკეთა პრემიერმა. მამუკა ბახტაძე ამბობს, რომ „რუსთავი2“-ის დოკუმენტებს გაეცნობა და შეფასებას მას შემდეგ გააკეთებს, რაც დადგინდება, რომ ისინი ავთენტურია.

„სიმართლე გითხრათ, მე ეს დიდი ფანტაზიის ნაყოფი მგონია, რაც თქვენ ახლა აღნიშნეთ. მე გავეცნობი თუ გაქვთ ეს დოკუმენტი, ჩემი შეფასებით, ეს არის ძალიან დიდი და განუსაზღვრელი ფანტაზიის ნაყოფი. გავეცნოთ, თითოეული ჩვენთაგანი დარწმუნდეს, რომ ეს არის ვალიდური დოკუმენტი და მერე მივცეთ შეფასება. მე არაერთხელ მახსოვს, რომ მსგავსი ინფორმაციები, რომ იყო ეს ფაქტი და მერე აღმოჩნდებოდა და რომ იყო ეს ელემენტარული ტყუილი. დავრწმუნდეთ ჯერ და მერე მივცეთ შეფასება,“-აცხადებს პრემიერი.

მასშტაბური მიმოწერა, რომელიც “რუსთავი2”-მა გაავრცელა, 600 დოკუმენტისგან შედგება. ერთ-ერთი ეპიზოდი ოპოზციის წინააღმდეგ საერთაშორისო მასშტაბის შავი პიარკამპანიის დაგეგმვას უკავშირდება. ირკვევა, რომ მმართველი გუნდი და მისი ლობისტები 2016 წელს შავ კამპანიას გიგი წერეთლის წინააღმდეგ გეგმავდნენ, რომელიც ეუთოს საპარლამენტო ასამბლეის პრეზიდენტად იყრიდა კენჭს.

როგორც “რუსთავი2”-ის მიერ გავრცელებულ ინფორამციაში იყო ნათქვამი, დოკუმენტებით ირკვევა,რომ უსაფრთხოების, ქვეყნის ოკუპაციისა და რუსეთიდან მომდინარე აგრესიის მიმართულებებით საქართველოს მთავრობა მის მიერ დაქირავებულ ლობისტებს არაფერს ავალებს და ლობისტების მთავარი დანიშნულება “ქართული ოცნების” პიარია.

region
: region მაისი 13, 2019 15:16

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


6,751
ვიზიტორი
დღეში
Powered By Google Analytics