,,დაქირავებული მკვლელი რომ ყოფილიყო, გარეთ გამოვიდოდა და შორიდან ესროდა”

timer.ge თაიმერი
: timer.ge თაიმერი თებერვალი 13, 2018 15:49

,,დაქირავებული მკვლელი რომ ყოფილიყო, გარეთ გამოვიდოდა და შორიდან ესროდა”

მნიშვნელოვანი

  • ამის შესახებ დავით მუხიგულმა ჟურნალისტებს ღუდუშაურის კლინიკასთან განუცხადა, რომელმაც კომენტარი გააკეთა გუშინ მედიაში ამ საკითხზე გავრცელებულ ინფორმაციასთან დაკავშირებით. დავით მუხიგულისთვის უცნობია უკავშირდება თუ არა მომხდარი შურისძიებას ან ბიზნესს.

სხვა სტატიები

დოდო გუგეშაშვილის მეგობარ დავით მუხიგულს ეჭვი ეპარება იმ ვერსიის სისწორეში, რომ გუგეშაშვილს და მის შვილს დაქირავებულმა მკვლელმა ესროლა.

ამის შესახებ დავით მუხიგულმა ჟურნალისტებს ღუდუშაურის კლინიკასთან განუცხადა, რომელმაც კომენტარი გააკეთა გუშინ მედიაში ამ საკითხზე გავრცელებულ ინფორმაციასთან დაკავშირებით. დავით მუხიგულისთვის უცნობია უკავშირდება თუ არა მომხდარი შურისძიებას ან ბიზნესს.

„დაქირავებული მკვლელი რომ იყოს, გარეთ გამოვიდოდა და შორიდანაც ესროდა. რა მოხდა არ ვიცი, აგონიაში ვარ, არ ვიცი რა მოხდება ხვალ და ზეგ, დოდოს ჯანმრთელობას რა მოუვა. ნაქირავებ ბინაში ცხოვრობდა, რა ბიზნესი? ფული რომ ჰქონოდა ბინაც ექნებოდა, სახლიც და კარიც“, – განაცხადა დავით მუხიგულმა.

დოდო გუგეშაშვილის მეგობარს არ აქვს ასევე ვერსია, თუ ვინ შეიძლება ყოფილიყო მკვლელი.

ამასთან, მუხიგულმა ისაუბრა იმის შესახებაც, რომ სავარაუდოდ, ხვალ მეგობრები ერთ-ერთ სასულიერო პირთან, მამა ლევანთან ერთად შეიკრიბებიან და ერთად აცნობებენ დოდო გუგეშაშვილს მისი შვილის გარდაცვალების ფაქტს.

ამასთან, ადვოკატ გელა ნიკოლაიშვილის განცხადებით, დოდო გუგეშაშვილს და მის შვილს დაქირავებულმა მკვლელმა ესროლა. მისი თქმით, დაქირავებულ მკვლელს დოდო გუგეშაშვილი იცნობდა, რადგან ეს პიროვნება მასთან კონტაქტის დამყარებას რამდენჯერმე ცდილობდა. ამდენად, სახლში მისვლისას დოდო გუგეშაშვილმა მას კარები გაუღო.

timer.ge თაიმერი
: timer.ge თაიმერი თებერვალი 13, 2018 15:49

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,186
ვიზიტორი
დღეში
Powered By Google Analytics