ჩრდილოეთ კორეა ახალი ატომური გამოცდისთვის ემზადება -ამის შესახებ ინფორმაციას იაპონიის საგარეო საქმეთა სამინისტრო ავრცელებს. “ჩრდილოეთ კორეას საწვრთნელი პოლიგონის გვირაბიდან მიწა გამოაქვს, და ყველაფერს აკეთებს იმისათვის, რომ ახალი ატომური გამოცდისთვის მოემზადოს” – მინისტრმა ტარო კონომ თქვა ფოტოებზე დაყრდნობით, რომელიც იაპონურმა დაზვერვამ მოიპოვა.
მინისტრმა აღნიშნა, რომ ფხენიანის მოქმედებები მოწმობენ, რომ ჩრდილოეთ კორეა ატომურ შეიარაღებაზე უარის თქმას არ აპირებს. ამიტომ, აღნიშნა, რომ საჩქარო არ არის კიმ ჩენ ინისა და იაპონიის პრემიერ-მინისტრის შეხვედრის დაგეგმვა.
რამდენიმე დღის წინ გავრცელდა, რომ სიძო აბე კიმ ჩენ ინთან შეხვედრით დაინტერესებულია.
