სამეფოს დამოუკიდებლობის პარტიის ლიდერმა, ნაიჯელ ფარაჯმა გადადგომის შესახებ განცხადება გააკეთა – მან თქვა, რომ საკუთარი ამოცანა შეასრულა.
“ევროკავშირის დატოვების მომხრეთა გამარჯვება ნიშნავს იმას, რომ მე ჩემი პოლიტიკური ამბიცია ავასრულე” – განაცხადა ფარაჯმა.
შეგახსენებთ, რომ 23 ივნისის საყოველთაო რეფერენდუმზე, ბრიტანელების უმეტესობამ ევროკავშირიდან გასვლას მისცეს ხმა.
ფარაჯის თქმით, სამეფოს დამოუკიდებლობის პარტიის (UKIP) ლიდერობა არ ყოფილა ადვილი ამოცანა. მან დაამატა, რომ ევროპარლამენტში დეპუტატად დარჩება მანამდე, სანამ ქვეყნის ბლოკიდან გამოსვლის შესახებ შეთანხმებები მიმდინარეობს.
შეგახსენებთ, რომ UKIP-ის ლიდერი დაახლოებით 17 წელია ბრიტანეთის ევროკავშირიდან გასვლისთვის იბრძვის.
