ბელორუსმა ბენზინისა და დიზელის საწვავის ექსპორტი შეაჩერა უკრაინაში, ბალტიის ქვეყნებსა და პოლონეთში – ბელორუსის ნავთობკომპანიის გენერალურმა დირექტორმა სერგეი გრიბმა განაცხადა. მისი თქმით, მიზეზი ნავთობპროდუქტების გაუარესებული ხარისხია, რომელიც ქვეყნის ნავთობგადამამუშავებელ ქარხნებში რუსეთიდან შედის.
მიმდინარე მომენტში ბელორუსი ექსპორტის შეჩერების შედეგად მიყენებული ზარალის დათვლას და რუსეთისგან კომპენსაციის მოთხოვნას აპირებს.
რუსულმა კომპანია “ტრანსნავთობმა” კვლევა აწარმოა და გაარკვია, რომ დაბინძურებული ნავთობი სამარადან ჩადის ბელორუსში. კომპანიამ განაცხადა, რომ სიტუაციას გამოასწორებს – “დოიჩე ველე” წერს.