შეერთებული შტატები ელოდება როდის დაიწყებს უკრაინის ახლადარჩეული პრეზიდენტის ადმინისტრაციასთან მუშაობას – ამის შესახებ შტატების ვიცე-პრეზიდენტმა მაიკ პენსმა საკუთარ “ტვიტერზე” დაწერა.
“ვესაუბრე არჩეულ პრეზიდენტ ვლადიმირ ზელენსკის, რომ მისთვის გამარჯვება მიმელოცა. აშშ-ს პრეზიდენტი და მე ადმინისტრაციასთან მუშაობას ველოდებით, რომ მხარი დავუჭიროთ ძლიერ, დემოკრატიულ და განვითარებულ უკრაინას” – დაწერა პენსმა.
შეგახსენებთ, რომ ეგზიტ-პოლის შედეგების გამოცხადების შემდეგ ვლადიმირ ზელენსკის დონალდ ტრამპმა დაურეკა და გამარჯვება მიულოცა.
სახელმწიფო დეპარტამენტმა პეტრე პოროშენკოს მადლობა გადაუხადა მისი მუშაობისთვის და სახელმწიფოს მეთაურობისთვის.
