ერაყის პრემიერმა ჰაიდარ ალ-აბადმა განაცხადა, რომ ნებისმიერი უცხო ქვეყნის სამხედრო ნაწილების ერაყის ტერიტორიაზე გამოჩენა “აგრესიის აქტად” ჩაითვლება – ამის შესახებ პრემიერ-მინისტრმა საკუთარ ფეისბუქ გვერდზე გამოაქვეყნა განცხადება.
“ჩვენ ისევ ვამბობთ, რომ ერაყს არ სჭირდება უცხო ქვეყნის სამხედრო კონტიგენტები და არც ერთ ქვეყანას არ ვთხოვთ გამოაგზავნოს საკუთარი ჯარები. ჩვენ ნებიესმიერი ქვეყნის არმიის ნაწილების ერაყში გამოჩენას აგრესიის აქტად შევაფასებთ” – ხაზი გაუსვა ალ-აბადმა.
გუშინ თეთრი სახლის ოფიციალურმა წარმომადგენელმა ჯოშ ერნესტმა განაცხადა, რომ ალ-აბადი აშშ-ს ინიციატივას, ერაყში ისლამურ სახელმწიფოსთან საბრძოლველად ჯარის შეყვანის შესახებ, მხარს უჭერდა. იმავე დღეს პენტაგონის წარმომადგენელმა სტივ უორენმა განაცხადა, რომ აშშ ერაყში 100 , ან შესაძლოა მეტ სამხედროს გაუშვებს.
