ავღანეთში თავდასხმებს სულ მცირე 10 ადამიანი ემსხვერპლა, ათობით კი დაშავდა. ინფორმაციას Associated Press-ი ავრცელებს.
მედიასაშუალების ცნობით, მომხდარზე პასუხისმგებლობა ჯერ არავის აუღია.
გამოცემა წერს, რომ ქვეყანაში სამი თავდასხმა მოხდა. ბოლო თავდასხმა ქვეყნის ჩრდილოეთ ნაწილში მაშინ მოხდა, როცა ადამიანები ლოცვას კითხულობდნენ.
დაშავებული მოქალაქეები სასწრაფო სამედიცინო დახმარების ბრიგადებმა კლინიკებში გადაიყვანა.
