ამერიკის შეერთებული შტატების თავდაცვის დეპარტამენტმა, უკრაინისთვის სამხედრო დახმარების მიწოდების გამარტივებისა და გადაზიდვების კოორდინაციისთვის საკონტროლო ცენტრი დააფუძნა. CNN წერს, რომ ამის შესახებ ინფორმაცია ჟურნალისტებს თავდაცვის სამინისტროს მაღალჩინოსანმა მიაწოდა.
“უკრაინის EUCOM-ის კონტროლის ცენტრი, ან ECCU, დაფუძნებულია აშშ-ს ევროპული სარდლობის შტაბ-ბინაში, გერმანიაში, ქალაქ შტუტგარტში და მას მართავს ამერიკელი ორვარსკვლავიანი სამხედრო გენერალი”, – თქვა ოფიციალურმა წარმომადგენელმა.
მისივე თქმით, ცენტრი მჭიდროდ თანამშრომლობს საერთაშორისო დონორთა კოორდინაციის ცენტრთან – IDCC-სთან, რომელსაც მართავს ერთვარსკვლავიანი გენერალი გაერთიანებული სამეფოდან.
საკონტროლო ცენტრი, აშშ-ს პერსონალთან ერთად, მოიცავს პერსონალს 15 სხვა დამხმარე ქვეყნიდან. აშშ-ის თავდაცვის მდივანმა, ლოიდ ოსტინმა განაცხადა, რომ მოკავშირეთა ეს ახალი ჯგუფი თვეში ერთხელ შეიკრიბება.
