ალექსეი ნავალნის თანაშემწეების განცხადებით, ციხის ადმინისტრაცია იმუქრება, რომ პატიმრობაში მყოფ პოლიტიკოსს, რომელმაც რამდენიმე დღის წინ შიმშილობა დაიწყო, საკვების მიღებას აიძულებს. მათი ინფორმაციით, ნავალნი ამჟამად 77 კილოგრამს იწონის, რაც 15 კილოგრამით ნაკლებია იმასთან შედარებით, რასაც ის ციხეში სასჯელის მოხდის დაწყებისას იწონიდა.
„ადმინისტრაცია ყოველ დღე იმუქრება, რომ მას ძალით აჭმევენ,“- აცხადებენ პოლიტიკოსის თანაგუნდელები.
მათივე თქმით, ნავალნი, რომელიც გასულ კვირას რესპირატორული სიმპტომებით ციხის სამკურნალო განყოფილებაში გადაიყვანეს, კვლავ საკანში დააბრუნეს.
შეგახსენებთ, ალექსეი ნავალნიმ, ციხეში საკუთარი ექიმის შეშვების მოთხოვნით, შიმშილობა მარტის ბოლოს დაიწყო.
