“შენ დასრულებული ხარ და შენი მემკვიდრეობა საშინელება იქნება.შენ არ იცავ ქვეყანას”, – წერს კონგრესმენი, ადამ კინზინგერი დონალდ ტრამპზე.
აშშ-ის მოქმედი პრეზიდენტის, დონალდ ტრამპის მხარდამჭერებმა ვაშინგტონში პოლიციის კორდონი გაარღვიეს და კაპიტოლიუმის შენობაში შეიჭრნენ, სადაც კონგრესის გაერთიანებული სხდომა მიმდინარეობდა. სესიაზე ამომრჩეველთა კოლეგიის ხმის მიცემის შედეგები უნდა დაემტკიცებინათ. არეულობის გამო სხდომა შეწყდა.
ვაშინგტონში კომენდანტის საათი გამოცხადდა.