ამ წუთებში ვაზიანში სამხედრო ასეულის გაცილების ცერემონიალი მიმდინარეობს. ადგილზე იმყოფებიან თავდაცვის მინისტრი და გენერალური შტაბის უფროსი. ბატალიონის წევრები ავღანეთში ნატოს ეგიდით მიმდინარე „მტკიცე მხარდაჭერის“ მისიაში მიიღებენ მონაწილეობას.
მე-3 ქვეითი ბრიგადის 32-ე ბატალიონის ნაკრებმა ასეულმა 5 თვის განმავლობაში გერმანიაში გაიარა სპეციალური მომზადება. ისინი მაზარიშარიფში შეასრულებენ მისიას, სადაც მე-4 ბრიგადის დაზვერვის ასეულს ჩაანაცვლებენ და ავღანეთში 7 თვეს დარჩებიან.