ამდენი დღეა, მიმდინარეობს მრავალათასიანი შეკრებები და არცერთი ვანდალიზმის ფაქტი არ მომხდარა, მაგრამ მეორე და მესამე მოსმენით თუ აპირებენ კანონის გატანას, ჩვენი პროტესტი იქნება გამძაფრებული, არავინ იცის, რა მოხდება, – ამის შესახებ გიორგი ქადაგიძემ განაცხადა.
მისივე თქმით, განვითარებულ მოვლენებზე სრული პასუხისმგებლობა დაეკისრება „ქართულ ოცნებას“.
„იყო კუნთების თამაში და ვითომ ძალის დემონსტრირება. ამას ჩვენ უნდა დავუპირისპიროთ ერთიანობა, სიმშვიდე, სიმტკიცე, მაგრამ ამავე დროს, სიხისტე და ყველაფერი უნდა გავაკეთოთ, რათა არ მივცეთ შესაძლებლობა, ეს კანონი გავიდეს დღეს და შემდეგ უკვე, რაც ყველაზე მნიშვნელოვანია, მშვიდობით „ოცნება“ ერთპარტიული მმართველობიდან გავაცილოთ. „ქართული ოცნება“ მუდამ ცდილობს ჩვენი მოთმინების გამოცდას. რამდენი ათასი ადამიანიც არ უნდა გამოვიდეს, მუდამ ცდილობს მოთმინების გამოცდას. აქამდე მუდმივად ვამტკიცებდით, რომ ეს დემონსტრაციები არის უკიდურესად მშვიდობიანი, როგორც შეეფერება ევროპელ ხალხს. ამდენი დღეა, მიმდინარეობს მრავალათასიანი შეკრებები და არცერთი ვანდალიზმის ფაქტი არ მომხდარა, მაგრამ მეორე, მესამე მოსმენით თუ აპირებენ კანონის გატანას და ასე უტიფრად, ჩვენი პროტესტი იქნება გამძაფრებული. შესაბამისად, მერე რა მოხდება, არავინ იცის და განვითარებულ მოვლენებზე სრული პასუხისმგებლობა დაეკისრება „ქართულ ოცნებას“ და ბიძინა ივანიშვილს“, – განაცხადა გიორგი ქადაგიძემ.
