“ჰესბოლა” ლიბანში გამარჯვებას ზეიმობს

timer.ge თაიმერი
: timer.ge თაიმერი მაისი 8, 2018 00:36

“ჰესბოლა” ლიბანში გამარჯვებას ზეიმობს

ლიბანის შიიტური მოძრაობა “ჰესბოლას” ლიდერმა ჰასან ნასრალამ განაცხადა, რომ მოძრაობამ და პარტიებმა, რომლებიც მას მხარს უჭერდნენ, არჩევნებში გაიმარჯვეს, რომელიც 2009 წლის შემდეგ პირველად ჩატარდა. ამასთანავე, არჩევნების ოფიციალური შედეგები ჯერ არ გამოცხადებულა. ნასრალამ თქვა, რომ “ჰესბოლას” გამარჯვება ისრაელისთვის წინააღმდეგობის გაწევის გარანტიაა.
ლიბანის პრემიერ-მინისტრმა სუნიტმა საად ხარირიმ თქვა, რომ მისმა პარტიამ, რომელსაც დასავლეთი მხარს უჭერს, არჩევნებზე მანდატების მესამედი წააგო. სავარაუდოდ, ხარირის “ერთობის მთავრობის” ჩამოყალიბებას შესთავაზებენ, სადაც ყველა ძირითადი პარტიის წარმომადგენელი შევა. თუმცა, ანალიტიკოსების თქმით, მისი პოლიტიკური პოზიციები დასუსტებულია და “ჰესბოლას” გაკონტროლებას ის ვერ შეძლებს.
ლიბანის კონსტიტუციის თანახმად, ქვეყნის პრემიერ-მინისტრის პოსტის დაკავება მხოლდო სუნიტ მუსლიმს შეუძლია. პარლამენტის სპიკერი კი, უნდა იყოს შიიტი, პრეზიდენტი კი მარონიტი ქრისტიანი – “ბიბისი” წერს.

timer.ge თაიმერი
: timer.ge თაიმერი მაისი 8, 2018 00:36

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


8,849
ვიზიტორი
დღეში
Powered By Google Analytics