ზელენსკი: 24 თებერვალს რუსეთმა კიდევ ერთი სიტყვა დაამატა, ასე რომ გამოვიდა ფრაზა “სრულმასშტაბიანი ომი”

“ასი დღე – ასი სიტყვა”: ვოლოდიმირ ზელენსკიმ ომის მე-100 დღეს უკრაინელებს მიმართა.

უკრაინის პრეზიდენტმა ვოლოდიმირ ზელენსკიმ საღამოს გამოსვლაში დაასახელა ასი სიტყვა, რომლებიც უკრაინის წინააღმდეგობის სიმბოლოდ იქცა.

” 2014 წელს რუსეთი ჩვენთან ერთი სიტყვით, ახალი სიტყვით მოვიდა. ეს სიტყვა არის. “ომი.” 24 თებერვალს რუსეთმა კიდევ ერთი სიტყვა დაამატა, ასე რომ გამოვიდა ფრაზა “სრულმასშტაბიანი ომი”, – თქვა მან.

ზელენსკიმ ჩამოთვალა სიტყვები, რომლებიც დაკავშირებულია იმასთან, რაც უკრაინამ ნახა და განიცადა ამ ასი დღის განმავლობაში:

“ეს არის: „გამარჯვება“, „ჩვენი გმირები“ და „ტერიტორიის დაცვა“. დასახლებების სახელები: მარიუპოლი, ბუჩა, ბოროდიანკა და სხვა. სხვადასხვა ტიპის იარაღის სახელწოდება: „ბაირაქტარი“ და „ჯაველინი“. „კანდიდატურა“ და „წევრობა“ – უკრაინის ევროკავშირში გაწევრიანებაზე მოლაპარაკებების კონტექსტში. ლექსიკონში, ასევე, იყო “ორკები” – რასაც უკრაინელები რუს სამხედროებს უწოდებენ სოციალურ ქსელებში – და “პატრონი”, ძაღლის პატრონის პატივსაცემად, რომელიც ეხმარება უკრაინის შეიარაღებულ ძალებს დანაღმული ტერიტორიების გაწმენდაში”,- ამბობს ზელენსკი მიმართვაში.

აღსანიშნავია, რომ ზელენსკიმ ასევე ახსენა სიტყვა, ცნობილი მიმართულება, სადაც ზმეინის კუნძულიდან მეზღვაურებმა “რუსული ხომალდი” გაგზავნეს.

წინა სტატიაშისალომე ზურაბიშვილი: 100 დღე, რაც უკრაინამ აჩვენა, რომ შეუძლია, დაამარცხოს ძალა, რომელიც ოდესღაც დაუმარცხებლად აღიქმებოდა
შემდეგი სტატია“ქართული ოცნება” პრობიძინურია – გახარია (video)