იმ სასულიერო პირების ერთ-ერთი ღიად დასახელებული არგუმენტი, რომლებიც ავტოკეფალიის აღიარებას მხარს არ უჭერდნენ, მართლმადიდებელი ეკლესიების პოზიციები იყო.
ისინი მიიჩნევდნენ, რომ საქართველო აღიარების პროცესში პირველი ვერ იქნებოდა. თუმცა ეს არგუმენტი დღის წესრიგიდან ჯერ მაშინ მოიხსნა, როცა მსოფლიო პატრიარქის გადაწყვეტილებით მინიჭებული ავტოკეფალიის შემდეგ, უკრაინის ეკლესიის დამოუკიდებლობა ჯერ საბერძნეთმა, ახლა კი უკვე ალექსანდრიამ აღიარა.
მსოფლიო პატრიარქმა ალექსანდრიის ეკლესიის მეთაურს მადლობა გადაუხადა. რუსეთის მუდმივი ზეწოლის მიუხედავად, ალექსანდრიის და სრულიად აფრიკის პატრიარქმა გადაწყვეტილება მაინც მიიღო.
