უკრაინაში დიდი ბრიტანეთის ერთი მოქალაქე დაიღუპა და მეორე დაიკარგა – ამის შესახებ ინფორმაციას BBC გაერთიანებული სამეფოს საგარეო საქმეთა სამინისტროზე დაყრდნობით ავრცელებს.
საგარეო უწყების სპიკერმა განაცხადა, რომ იგი სოლიდარობას უცხადებს ორივე მათგანის ოჯახს. უგზოუკვლოდ დაკარგულ მოქალაქეზე სპიკერმა თქვა, რომ “სასწრაფოდ იკვლევს დამატებით ინფორმაციას”.
დეტალები, რას აკეთებდა ბრიტანეთის ორი მოქალაქე უკრაინაში და როგორ ან როდის გარდაიცვალა ერთ-ერთი მათგანი, უწყებაში არ დაუკონკრეტებიათ.