უკრაინის მინისტრთა კაბინეტი იწყებს აქტიურ მომზადებას ყირიმის განთავისუფლებისთვის.
უკრაინის დროებით ოკუპირებული ტერიტორიების რეინტეგრაციის სამინისტრომ უკვე მიიღო გადაწყვეტილება მომავალი დეოკუპირებული ყირიმის ნახევარკუნძულისთვის კადრების რეზერვის მომზადებაზე.
ამის შესახებ ვიცე-პრემიერმა, ირინა ვერეშჩუკმა განაცხადა. მისივე თქმით, დღეს გაიმართა გაფართოებული უწყებათაშორისი შეხვედრა ყირიმის დეოკუპაციისა და რეინტეგრაციის საკითხებზე ექსპერტთა საზოგადოების ჩართულობით.
“ხალხი მზად უნდა იყოს დეოკუპაციის შემდეგ დაუყოვნებლივ დაიწყოს მუშაობა,”- ხაზგასმით აღნიშნა ვერეშჩუკმა.
