სამხრეთ კავკასიასა და საქართველოს კრიზისების საკითხებში ევროკავშირის სპეციალური წარმომადგენელი ოკუპირებული აფხაზეთის მიერ ენგურის ხიდზე დაწესებული შეზღუდვების გამო შეშფოთებას გამოთქვამს. ტოივო კლაარი ტვიტერის გვერდზე წერს, რომ შეზღუდვები ახალ სირთულეებს ქმნის კონფლიქტის შედეგად დაზარალებული მოსახლეობისთვის.
“ისინი უნდა მოიხსნას დამატებით ჰუმანიტარული პრობლემების თავიდან ასაცილებლად. ეს იქნება მნიშვნელოვანი საკითხი მომავალ კვირაში ჟენევის საერთაშორისო დისკუსიების მორიგ რაუნდზე.”- წერს დიპლომატი.